جارىس الدىندا جانكۇيەرلەر الەم جانە ەۋروپا چەمپيوندارىنىڭ, حالىقارالىق جانە رەسپۋبليكالىق تۋرنيرلەرگە قاتىسقان تاجىربيەلى سپورتشىلاردىڭ شەبەرلىكتەرىن تاماشالادى.
«چەمپيوناتقا ەلىمىزدىڭ تۇپكىر-تۇپكىرىنەن 500-گە جۋىق سپورتشى جاس ەرەكشەلىكتەرى بويىنشا ءۇش توپقا ءبولىنىپ, تارتىسقا تولى ساتتەر كوپ بولدى. ءتۋرنيردىڭ باستى جۇلدەسىنە م.قوزىباەۆ اتىنداعى سقمۋ ۋنيۆەرسيتەتى گرانت تىكتى», دەيدى بۇكىل قازاقستاندىق كەكۋشينكاي كاراتە فەدەراتسياسىنىنىڭ وبلىستىق فيليالىنىڭ ديرەكتورى ۆلاديمير ۆيتچەنكو. ونىڭ ايتۋىنشا, كەكۋشينكاي كاراتەمەن اينالىساتىن جاسوسپىرىمدەردىڭ سانى جىل ساناپ ارتىپ كەلەدى.
بىلتىرعى ەل چەمپيوناتىندا جالپىكوماندالىق ەسەپتە الاڭ يەلەرى ءبىرىنشى ورىندى يەلەنگەن بولاتىن. بۇل جولى دا جارىستىڭ بيىك تۇعىرىنان كورىنە ءبىلدى. ەكىنشى ورىنعا استانالىقتار, ءۇشىنشى ورىنعا تالدىقورعاندىقتار كوتەرىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
